Երեւանի Կարեն Դեմիրճյանի անվան մարզահամերգային համալիրում մեկնարկում է «Ազգ-բանակ 2017» համաժողովը։ Համաժողովի բացմանը ներկա է Հայաստանի Հանրապետության նախագահ Սերժ Սարգսյանը, Պաշտպանության նախարար Վիգեն Սարգսյանը, Կրթության ու գիտության նախարար Լեւոն Մկրտչյանը։
Համաժողովը սկսվել է երկրի ղեկավարության՝ ռազմակրթական ցուցահանդես այցով, որը տեղի է ունենում ՄՀՀ առաջին հարկում (ֆոտոռեպորտաժ)։
Համաժողովի շրջանակներում ելույթ կունենան երկրի նախագահը, պաշտպանության նախարարը, կքննարկվեն «Հայաստանում ռազմական կրթության հնարավորություններն ու հեռանկարները», «Ազգ-բանակ անվտանգության բանաձեւը», «Մոնթե Մելքոնյանի անվան ռազմական վարժարան» թեմաները։ Համաժողովի ամփոփումից հետո կցուցադրվի «Կյանք ու կռիվ 2» ֆիլմը։
