News
Լրահոս
News
Ուրբաթ
Դեկտեմբեր 15
Տեսնել լրահոսը

Վերաքննիչ քրեական դատարան այսօր՝ ապրիլի 21-ին, մերժեց առաջին ատյանի դատարանի կալանքի մասին որոշման դեմ Արցախի հերոս Սամվել Բաբայանի շահերի պաշտպանի բողոքը:

Լրագրողների հետ զրույցում պաշտպան Ավետիս Քալաշյանը նշեց, որ նյութերին ծանոթանալուց հետո պատրաստվում է դիմել Վճռաբեկ դատարան. եթե Վճռաբեկ դատարանը եւս մերժի, նա պատրաստվում է դիմել նաեւ Մարդու իրավունքների եվրոպական դատարան:

«Ինձ համար այս որոշումը սպասելի էր, անակնկալ չէր: Դատարանն այնքան էլ ազատ չէր, կաշկանդված էր»,-ասաց նա:

Նշենք , որ Սամվել Բաբայանը որոշման հրապարակմանը ներկա չի եղել:

NEWS.am-ի թղթակիցը հաղորդում է, որ դատարանի դիմաց էին նաեւ «Օհանյան-Րաֆֆի-Օսկանյան» դաշինքի անդամներ, ԱԺ պատգամավորներ Ստեփան Մարգարյանն ու Էլինար Վարդանյանը, որոնք հրաժարվեցին խոսել լրագրողների հետ:

Հիշեցնենք, որ Երեւան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանը, հիմնավոր համարելով մինչդատական վարույթն իրականացնող մարմնի միջնորդությունը, 2017 թվականի մարտի 24-ի որոշմամբ  մեղադրյալների նկատմամբ որպես խափանման միջոց է կիրառել կալանավորումը՝ 2 ամիս ժամկետով: Սամվել Բաբայանի շահերի պաշտպանը Վերաքննիչ բողոք էր ներկայացրել՝ բողոքարկելով Կենտրոն եւ Նորք Մարաշ վարչական շրջանների ընդհանուր իրավասության դատարանի որոշումը՝ Բաբայանի նկատմամբ երկամսյա կալանք կիրառելու մասին:

Ավելի վաղ տեղեկացրել էինք, որ Սամվել Բաբայանին մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով և 235.1-րդ հոդվածի 2-րդ մասի 1-ին կետով:

ՀՀ ՔՕ-ի 235-րդ հոդվածի 2-րդ մասը սահմանում է՝ ապօրինի կերպով հրազեն, բացի ողորկափող հրազենից եւ դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որոնք կատարվել են մի խումբ անձանց կողմից նախնական համաձայնությամբ: Պատժվում են ազատազրկմամբ՝ երկուսից վեց տարի ժամկետով:

235.1 հոդվածի 2-րդ մասը սահմանում է՝ խիստ ներգործող, թունավոր, պայթուցիկ, ռադիոակտիվ նյութերի, ճառագայթման աղբյուրների, միջուկային նյութերի, հրազենի կամ նրա բաղկացուցիչ մասերի, բացի ողորկափող որսորդական հրազենից և դրա փամփուշտներից, պայթուցիկ սարքերի, ռազմամթերքի, զանգվածային ոչնչացման զենքի, դրա տեղափոխման միջոցների, այլ զինամթերքի, ռազմական տեխնիկայի, զանգվածային ոչնչացման զենք կամ դրա փոխադրման հրթիռային համակարգեր ստեղծելու համար օգտագործվող այլ նյութերի կամ սարքավորումների, միջուկային, քիմիական, կենսաբանական կամ զանգվածային ոչնչացման այլ զենքի կամ երկակի նշանակության ապրանքների, ռազմավարական տեսակետից կարևոր հումքային ապրանքների կամ մշակութային արժեքների մաքսանենգությունը, որը կատարվել է մի խումբ անձանց կողմից նախնական համաձայնությամբ: Այն պատժվում է ազատազրկմամբ՝ երեքից յոթ տարի ժամկետով՝ գույքի բռնագրավմամբ:

!
Այս նյութը հասանելի է նաև   Русский
Տպել
Կարդացեք նաև
Ամբողջ
Տասը ամիս հետո քննիչն ասում ա՝ վրիպակ ա եղել, որ գրել էինք՝ քո տնից զենք ենք հանել. Սեֆիլյանի գործով մեղադրյալ
Ազատամարտիկները պատրաստ են եղել կյանքը զոհել հանուն դատախազների, քննիչների, որոնց թեթեւ ձեռքով այսօր բանտերում են...
Նոր Սահմանադրությամբ նախագահը պետք է իրականացնի իշխող քաղաքական համակարգի հակակշռի դերը. Նիկոլ Փաշինյան
Նախագահը կառավարության հետ թիմային կապեր չունի....
2018-ից հետո վարչապետը կլինի առաջին դեմքը, բայց ՀՀԿ ղեկավարի հետ կոնսենսուս պետք է լինի․ Վահրամ Բաղդասարյան
Եթե Կարեն Կարապետյանը պատրաստված անձ չլիներ, նրան վարչապետի պոստը չէր վստահվի․․․
Դեռ չենք քննարկել «Ելքի» առաջարկը. Վահե Էնֆիաջյան
Զեյնալյանի անձը բարձր եմ գնահատում, նրա կարողությունները, հմտությունները...
Ինչո՞ւ է Սերժ Սարգսյանն այդքան խտրականորեն հետապնդում հենց Գեւորգ Սաֆարյանին. հայտարարություն
Քաղբանտարկյալ Գեւորգ Սաֆարյանը պետք է անհապաղ ազատ արձակվի: Քանի դեռ նման մարդիկ բանտում են, մենք բոլորս ենք անազատության մեջ...
«Ելք» դաշինքը ՀՀ նախագահի թեկնածու է առաջադրել Արտակ Զեյնալյանին
«Ելք»-ը բանակցություններ կսկսի «Ծառուկյան» դաշինքի հետ՝ Զեյնալյանի առաջադրման համար անհրաժեշտ...
Ամենաշատ
Ֆոտոռեպորտաժներ
Partner news