Երեւանի ավագանու ընտրություններում «Ելք» դաշինքն իր ընտրարշավը մեկնարկել է «Էրեբունի-Երեւան» երգի տեսահալովակի հրապարակմամբ:
Երգը կատարում են դաշինքի ավագանու թեկանածուները:
Նշենք, որ այսօր՝ ապրիլի 21-ին , ուղիղ կեսգիշերին մեկնարկել է մայիսի 14-ին կայանալիք Երեւանի ավագանու ընտրությունների քարոզարշավը, որը տեւելու է մինչեւ մայիսի 12-ը՝ ներառյալ։
Երեւանի ավագանու ընտրություններին մասնակցում է երեք քաղաքական ուժ. ՀՀԿ-ի համամասնական ցուցակը գլխավորում է գործող քաղաքապետ Տարոն Մարգարյանը, «Ելք»-ինը՝ պատգամավոր Նիկոլ Փաշինյանը, իսկ «Երկիր Ծիրանինը»՝ Զարուհի Փոստանջյանը:
Ընտրություններին «Հանրապետական» կուսակցությունը մասնակցում է «Հանուն Երեւանի» կարգախոսով։ Ընտրություններին մասնակցող մյուս քաղաքական ուժի՝ «Ելք» դաշինքի կարգախոսը հետեւյալն է՝ «Երեւան ջան, ելք կա»: