Պետք չէ կառավարության կազմում ներառվել կամ քաղաքականությամբ զբաղվել՝ Հայաստանին օգնելու համար: Ապրիլի 24-ին լրագրողների հետ զրույցում այս մասին հայտարարեց «Ավրորա» մրցանակաբաշխության համահիմնադիր, IDeA հիմնադրամի նախագահ Ռուբեն Վարդանյանը:
Անդրադառնալով Հայաստանի քաղաքական կյանքին իր մասնակցության հնարավորության մասին լուրերին՝ Վարդանյանը նշեց. «Կարծում եմ, որ Հայաստանին ավելի շատ եմ օգնում իրականացված ծրագրերով: Դրա համար պետք չէ կառավարության կազմում ներառվել կամ քաղաքականությամբ զբաղվել: Այն, ինչ մենք անում ենք, դրական դերակատարում ունի, եւ դրա համար որեւէ պաշտոն պետք չէ»: