Ֆրանսահայերը կպաշտպանեն Ֆրանսիայի նախագահական ընտրությունների արդյունքում երկրորդ փուլ անցած «Հառաջ» շարժման հիմնադիր Էմանուել Մակրոնին: Այս մասին այսօր՝ ապրիլի 24-ին, NEWS.am-ի հետ զրույցում ասաց Ֆրանսիայի Հայ դատի հանձնախմբի ատենապետ Հարութ Մարտիրոսյանը: Նա նշեց, որ նման որոշում է կայացվել, որովհետեւ արդեն հասկանալի է, որ ընտրությունների առաջին փուլն հաղթահարած երկու թեկնածուներից ավելի հայամետ քաղաքականություն կարող է վարել Էմանուել Մակրոնը, որն այսօր իսկ հայտարարել է, որ ներկա է գտնվելու Փարիզի Կանադայի հրապարակում, որտեղ տեղի է ունենալու Հայոց ցեղասպանության զոհերի հիշատակին նվիրված միջոցառումը:
«Անցած երկու թեկնածուներից երկուսից պաշտպանում ենք պարոն Մակրոնին: Այսօր արդեն պարոն Մակրոնը հայտարարություն է արել, որ ժամը 15:30 լինելու է Կոմիտասի արձանի մոտ եւ հարգանքի տուրք մատուցելու ցեղասպանության զոհերի հիշատակին»,-ասաց նա:
Հիշեցնենք, որ ապրիլի 23-ին Ֆրանսիայում տեղի են ունեցել նախագահական ընտրություններ: Ընտրությունների առաջին փուլը հաղթահարել է «Հառաջ» շարժման հիմնադիր Էմանուել Մակրոնին եւ Ֆրանսիայի «Ազգային ճակատ» ազգայնական կուսակցության առաջնորդ Մարին Լը Պենը: