Տարոն Մարգարյանի հուսահատության գազելներից, մահվան վերելակներից, աղբի ու փոշու ամպերից ելք կա։ Այս մասին այսօր՝ ապրիլի 25–ին, Նոր Նորքում «Ելք» դաշինքի քարոզարշավի ժամանակ հայտարարել է դաշինքի քաղաքապետի թեկնածու Նիկոլ Փաշինյանը։
Դաշինքի ներկայացուցիչները քարոզարշավն իրականացրել են ավտոտնակների տանիքների վրա։ Նիկոլ Փաշինյանը նկատել է, որ այդ տանիքները հարմարեցված են իրենց դաշինքի քարոզարշավին. «Էստեղ գայթակղիչ գարաժներ կան, չտրվե՞նք գայթակղությանը»,-նշել է նա:
Դաշինքի անդամները կոչ են արել քաղաքացիներին չհուսահատվել, քանի որ Երեւանի քաղաքապետ Տարոն Մարգարյանի ստեղծած հուսահատության գազելներից, մահվան վերելակներից, աղբի ու փոշու ամպերից ելք կա։