Որպես ղարաբաղյան հակամարտության կարգավորման գործընթացում միջնորդ՝ Ռուսաստանը դատապարտում է հրադադարի ռեժիմի խախտումը ու կոչ է անում կողմերին ձեռնարկել անհրաժեշտ քայլեր՝ հակամարտության գոտում լարվածության հետագա էսկալացիան կանխելու համար։ Այս մասին մայիսի 18-ին ճեպազրույցի ժամանակ ասել է Ռուսաստանի ԱԳՆ պաշտոնական ներկայացուցիչ Մարիա Զախարովան։
Նա նշել է, որ տարբեր աղբյուրներից ստացված տեղեկություններով, մայիսի 15-ի ցերեկը ադրբեջանական կողմը գնդակոծել է ռազմական օբյեկտ, որը գտնվում էր շփման գծի մյուս կողմում, ու մյուս կողմը համապատասխանաբար արձագանքել է։ «Օբյեկտի բնույթի ու դրա վնասման աստիճանի, նաեւ մարդկային զոհերի առկայության մասին տվյալները հակասական են։ Ես եւս մեկ անգամ արտահայտում են ռուսական սկզբունքային դիրքորոշումը այս հարցի շուրջ»,- շեշտել է Զախարովան։
Ինչ վերաբերում է Հայաստանի ու Ադրբեջանի ԱԳ նախարարների մակարդակով տեսանելի ապագայում հանդիպում կազմակերպելուն, Զախարովայի խոսքով «դեռ անոնսելու բան չկա, հենց լինի տեղեկություն հնարավոր կոնտակտների մասին, մենք կհայտնենք»։