Էյֆելյան աշտարակի լույսերը կեսգիշերին կհանգցնեն՝ ի հիշատակ Մանչեսթերի ահաբեկչության զոհերի։ Այս մասին Twitter-ի իր էջում հաղորդել է Փարիզի քաղաքապետ Անն Իդալգոն։
«Փարիզը կհարգի Մանչեսթերի ողբերգության զոհերի հիշատակը՝ կեսգիշերին հանգցնելով Էյֆելյան աշտարակի լույսերը։ Իմ մտքերը զոհերի, նրանց ընտանիքների եւ նրանց հետ են, ովքեր օգնում են դեպքի վայրում»,- գրել է քաղաքապետը։
Մանչեսթերում պայթյուն է որոտացել ամերիկացի երգչուհի Արիանա Գրանդեի համերգից հետո։ Պայթյունի հետեւանքով տուժածների թիվը հասել է 59-ի: Զոհերի թիվը 22-ն է: Տեղի ունեցածը ահաբեկչություն է որակավորվել։
#Paris est cette nuit aux côtés de #Manchester. Mes pensées vont aux victimes, à leurs familles et aux secours qui interviennent sur place.
— Anne Hidalgo (@Anne_Hidalgo) 23 мая 2017 г.