Ստամբուլում փեսայի հետ կենցաղային վեճի ժամանակ նրա կողմից դանակահարվել ու ստացված վնասվածքից մահացել է Yeni Akit կառավարամետ թերթի գլխավոր խմբագիր Կադիր Դեմիրելը, հայտնում է «Անադոլուն»։
Դեմիրելի, նրա դստեր՝ Էսմայի ու փեսայի՝ Ջեմիլ Յավուզ Կարանֆիլի միջեւ բռնկված ընտանեկան վեճը վերածվել է ծեծկռտուքի, որի ժամանակ Կարանֆիլը դանակահարել է իր աներոջն ու կնոջը։
Դեմիրելը ստացված վնասվածքից մահացել է, նրա դուստրը ծանր վիճակում հոսպիտալիզացվել է, նրան վիրահատել են։ Մարդասպանը թաքնվել է, ոստիկանությունը որոնում է նրան։