Թուրքիայի խորհրդարանի կրթական հանձնաժողովի անդամ Ահմետ Խամդի Քամլին հայտնել է ջիհադի ուսումնասիրության չափազանց մեծ կարեւորության մասին, հայտնում է The Independent-ը։
Քաղաքական գործչի խոսքով դպրոցականներին, որոնք ջիհադ չեն սովորել, անիմաստ է մաթեմատիկա դասավանդելը։ «Ջիհադը իսլամի առաջին տարրն է։ Մեր նախարարությունը ընդունել է շատ ճիշտ որոշում։ Եթե աղոթքները կրոնի հենասյուներն են, ապա ջիհադը՝ դրա առաստաղն է»,- պարզաբանել է նա։
«Մեր խնդիրն է թուրք դպրոցականներին սովորեցնել ջիհադի ճիշտ ընկալում։ Հենց դրա համար էլ իսլամական իրավունքի դասերն ու կրոնի հիմունքների դասախոսությունները ներառելու են ջիհադի ուսումնասիրություն։ Իսկական ջիհադը հայրենասիրությունն է«,- պարզաբանել է կրթության նախարար Իսմեթ Յըլմազը։