Ուկրաինայի քաղաքացին 17 տարի Ադրբեջանում ապրել է ստրկության մեջ։ haqqin.az-ը հաղորդում է, որ միջադեպի մանրամասները հայտնել է  Ուկրաինայի ազգային ոստիկանության պետի տեղակալ Վյաչեսլավ Աբրոսկինը Facebook-յան իր էջում։ 

Նրա խոսքով՝ Դնեպրոպետրովշչինայի 65-ամյա բնակիչը 1991 թվականից մշտապես Ադրբեջան էր մեկնում սեզոնային աշխատանքների համար, սակայն 1999 թվականին գործատուներից մեկը, բռնի ուժ կիրառելով, ուկրաինացուն ստիպել է ստրկությամբ զբաղվել։ Նրան իրավապահներն ազատել են 2016 թվականին՝ հատուկ գործողության ժամանակ։ Տղամարդը ծանր վիճակում էր. նա չէր կարողանում խոսել կամ ադեկվատ կերպով արձագանքել իրականությանը։ Բուժման երկարատեւ կուրսից հետո նա իրեն այժմ բավարար է զգում։

2017 թվականին տղամարդը վերականգնել է Ուկրաինայի անձնագիրը, եւ այժմ Ուկրաինայի ոստիկանությունը՝ Ադրբեջանում Ուկրաինայի դեսպանատան հետ միասին զբաղվում են նրան հայրենիք վերադարձնելու հարցով։