Թուրքիայի ԵՄ հարցերով նախարար Օմեր Չելիքը քննադատել է Գերմանիայի կանցլեր Անգելա Մերկելի հայտարարությունը Թուրքիայի հետ մաքասային միություն ստեղծելու շուրջ բանակցություններ վարելու անհնարինության մասին եւ հայտարարել է, որ միայն Գերմանիան չի կարող որոշել ամբողջ Եվրամիության քաղաքականությունը, հայտնում է «Ռեյթեր» գործակալությունը:
«Սա անհաջող հայտարարություն է: Մենք ընդգծում ենք, որ ԵՄ անդամներից ոչ մեկը չպետք է ցուցումներ տա եվրոպական ինստիտուտներին կամ եվրոպական գործընթացներին»,- հայտարարել է Չելիքը Անկարայում կայացած մամուլի ասուլիսի ժամանակ:
Չելիքի խոսքով՝ մաքսային միությունում փոփոխությունները օգտակար կլինեն ե՛ւ Թուրքիայի, ե՛ւ Եվրամիության համար:
«Բայց նրանք իրենց այնպես են պահում ասես Թուրքիային զիջում են կատարում: Ես կցանկանայի շատ հստակ արտահայտվել, մենք ոչ մի տեղ չենք շտապում»,- հավելել է նա: