ԱՄՆ գործող ամենածեր սենատորը՝ Դայան Ֆայնսթայնը հայտարարել է, որ մտադիր է նորից առաջադրվել, հաղորդում է «Ամերիկայի ձայն»-ը:
«Դեռ այնքան բան կա անելու՝ զինված բռնությանը վերջ տալ, կլիմայի փոփոխության դեմ պայքարը շարունակել, մեծացնել առողջապահության հասանելիությունը», – Twitter-ի իր էջում, որից նա հազվադեպ է օգտվում, գրել է Քալիֆորնիայի նահանգից 84-ամյա դեմոկրատ սենատորը:
«Ես վա-բանկ եմ գնում» – ավելացրել է նա:
Ֆայնսթայնը 80-ից բարձր տարիք ունեցող 8 սենատորներից մեկն է: