ԱՄՆ նախագահի նախկին կինը՝ Իվանան, պատմել է Թրամփի հետ ծանոթության, նրա դավաճանության եւ այն պնդումների մասին, թե նախկին ամուսինն իրեն բռնաբարել է, հաղորդում է Independent-ը:
Իվանան պատմել է, երբ իմացել է Թրամփի եւ դերասանուհի Մառլա Մեյփսի սիրավեպի մասին, որոշել է բաժանվել, քանի որ «վստահությունը իր համար ամենակարեւորն է»:
«Ես գիտեի, որ առջեւում իմ լավագույն կյանքն է», - ասել է նա: Նա պատմել է, որ դավաճանության մասին իմանալուց հետո, իրենց Դոնալդ կրտսեր որդին մեկ տարի չի խոսել հոր հետ:
Ինչ վերաբերում է բռնաբնարությանը, Իվանան նշել է, որ «դրանք փաստաբանների խոսակցություններն են եղել»: Նա վստահեցրել է, որ երբեք Թրամփին չի մեղադրել բռնաբարության մեջ: