News
Լրահոս
News
Հինգշաբթի
Հունիս 30
USD
407.21
EUR
423.54
RUB
7.75
Տեսնել լրահոսը

Գարեգին Բ Ամենայն Հայոց Կաթողիկոսը, Եվրոպայում Ռեֆորմացիայի 500-ամյա հոբելյանի հիշատակության շրջանակներում անցկացվող պաշտոնական միջոցառումների շրջագծից ներս, Արեւելյան Ուղղափառ Եկեղեցիների պետերի հետ պաշտոնական հանդիպում ունեցավ Գերմանիայի Դաշնային Հանրապետության նախագահ Ֆրանկ-Վալտեր Շտայնմայերի հետ:

Մայր աթոռից NEWS.am-ին հայտնում են, որ Վեհափառ Հայրապետը մասնավորապես իր գնահատանքն ու շնորհակալութունը հայտնեց Գերմանիայի ժողովրդին եւ իշխանություններին` Հայոց ցեղասպանության ճանաչման եւ դատապարտման գործում հայ ժողովրդին սատարելու համար:

Նույն օրը Նորին Սրբությունը հանդիպեց Գերմանիայի հայոց թեմի Բեռլինի հայ համայնքի հետ` Բեռլինի Լուիզըն եկեղեցում:

«Հրաշափառ»-ի արարողությունից հետո բարիգալստյան խոսքով Նորին Սրբությանը ողջունեց թեմի առաջնորդ, Կոստանդնուպոլսի Հայոց պատրիարքության պատրիարքական տեղապահ Գերաշնորհ Տ. Գարեգին արքեպիսկոպոս Բեքչյանը, ապա հրավիրեց Վեհափառ Հայրապետին իր հայրական օրհնության խոսքն ու պատգամն ուղղելու բեռլինահայ հավատացյալներին:

Նորին Սրբությունն իր խոսքում մասնավորապես ասաց. «Գոհունակություն եւ քաջալերություն է Մեզ համար, որ ամուր է ազգանվիրումի եւ եկեղեցասիրության ոգին Գերմանիայում բնակվող աստվածասեր մեր հավատավոր զավակների: Ամենայն գնահատանքի է արժանի թեմի շինությանն ու ազգային-եկեղեցական կյանքի առաջընթացին ձեր բերած նպաստը, ինչպես նաեւ նոր սերնդի հայեցի դաստիարակության կարեւոր գործի հանդեպ ձեր նախանձախնդրությունն ու հոգածությունը, ազգային ոգու փոխանցումը ձեր զավակներին, ինչի վկայությույնն է ձեր համախմբումը դարավոր մեր Եկեղեցու շուրջ եւ ակտիվ մասնակցությունը ազգային-եկեղեցական կյանքին:

…Եկեղեցին դուք եք, սիրելի հավատավոր զավակներ, հավատավոր ձեր կյանքով ու աստվածահաճո գործերով, առաքելական խոսքի համաձայն` «տաճար Հոգւոյն Սրբոյ» եք, անդամները Քրիստոսի խորհրդական մարմնի: Հիրավի, մեր դարավոր պատմությունը նման է Փրկչի երկրավոր կյանքի ընթացքին: Եղել են չարչարանքներ, զրկանքներ ու փորձություններ, ցեղասպանության գողգոթա, բայց Փրկչի հետ հավատքի զորությամբ հարություն է առել մեր ժողովուրդը՝ կերտելով իր վերածնված կյանքը: Այդ հաղթանակն է, որ այսօր երեւում է Գերմանիայի տիրախնամ թեմում արձանագրված ձեռքբերումների մեջ, արտացոլվում եկեղեցանվեր ու ազգասեր ձեր կյանքի ընթացքներում»:

Ամենայն Հայոց Կաթողիկոսը ջերմությամբ վերհիշեց Գերմանիայի Հայոց հովվությունում բերած իր ծառայությունը, Բեռլինում մատուցած պատարագները, ինչպես նաեւ այդ տարիներին գերմանաբնակ հայորդիների բարի աջակցությունը:

Ուրախությամբ անդրադառնալով Գերմանիայի հայ համայնքի ազգային-եկեղեցական կյանքում նկատվող դրական զարգացումներին, առաջընթացին եւ նոր ձեռքբերումներին` Վեհափառ Հայրապետը բարձր գնահատեց համայնքի անդամների աստվածսիրության ու հայրենասիրության ոգին եւ դրանցից ծնված բարի գործերը` հորդորելով մշտապես զորավիգ ու զորակից լինել Հայրենիքին: Նորին Սրբությունն իր օրհնությունն ու գնահատանքը փոխանցեց նաեւ թեմակալ առաջնորդին, հոգեւոր դասին, թեմական, համայնքային վարչությունների անդամներին` մաղթելով առավել կորով ու եռանդ` Գերմանիայի հայոց թեմի ազգային-եկեղեցական կյանքը նոր իրագործումներով հարստացնելու եւ համայնքում պայծառություն ու բարօրություն հավելելու համար:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Սիրիան ամեն ջանք գործադրում է հայ համայնքի կացությունը բարելավելու ուղղությամբ. Սիրիայի դեսպանը՝ Գարեգին Բ-ին
Ամենայն Հայոց Կաթողիկոսն ընդունել է ՀՀ-ում Սիրիայի նոր դեսպանին…
Ամենայն Հայոց Կաթողիկոսը հանդիպել է Արցախի պետնախարարի և ՄԻՊ-ի հետ
Հանդիպման ավարտին Արտակ Բեգլարյանը շնորհակալություն հայտնեց Նորին...
Ամենայն Հայոց Կաթողիկոսն ընդունել է Հայ իրավաբանական միության պատվիրակությանը
Շնորհակալություն հայտնելով ընդունելության համար՝ տիկին Վարպետյանը Նորին Սրբությանը տեղեկացրեց, որ կազմակերպության նպատակն է տարբեր միջազգային...
Վերականգնվել է Մայր Աթոռի մատենադարանի՝ 1733 թ․ Վենետիկում տպագրված Աստվածաշունչը
Մեսրոպ Մաշտոցի անվան Մատենադարանի և Մայր Աթոռ Սուրբ Էջմիածնի…
Մայր Աթոռում տեղի ունեցավ շքանշանի հանձնման արարողություն
Հայրենիքին, արցախահայությանը մատուցած ծառայությունների, հայրենանվեր, եկեղեցասեր ու ազգաշահ իրագործումների համար Նորին Սրբությունը, Արցախի…
Նշվեց Կաթողիկե Սուրբ Էջմիածնի տոնը
Սրբազան Հայրը, անդրադառնալով տոնի խորհրդին, ընդգծեց, որ այս սուրբ եկեղեցու կամարների ներքո մեկտեղված հավատավոր…
Ֆոտոռեպորտաժներ