Լրագրող Եկատերինա Գորդոնը, ով հայտարարել էր Ռուսաստանի նախագահի պաշտոնում առաջադրվելու մտադրության մասին, հայտնել է, որ չի առաջադրի իր թեկնածությունը, փոխանցում է «ՌԻԱ Նովոստի»-ն:
«Ես չեմ մասնակցի»,- ասել է Գորդոնը:
Նա պարզաբանել է, որ չի ցանկանում մասնակցել «ֆարսին եւ շոուին»:
Գորդոնը նաեւ հայտնել է սահմանադրական-դեմոկրատական կուսակցության ստեղծման մասին, որի նպատակը կլինի է Սահմանադրության պաշտպանությունը եւ Ռուսաստանը «սոցիալական պետության» վերափոխելը: Առաջին գրասենյակները կարող են բացվել մոտակա օրերին:
Հիշեցնենք, որ Ռուսաստանում նախագահական ընտրությունները կկայանան մարտի 18-ին: Նախընտրական քարոզարշավը պաշտոնապես մեկնարկել է 2017 թվականի դեկտեմբերի 18-ին:
