Ավստրիայի կանցլեր Սեբաստյան Քուրցը Welt պարբերականի հետ հարցազրույցում դատապարտել է Սիրիայում Թուրքիայի ռազմական գործողությունները եւ Եվրամիությանը կոչ արել դադարեցնել ԵՄ-ին Թուրքիայի անդամակցության բանակցությունները, փոխանցում է «ՌԻԱ Նովոստի»-ն:
«Ուշադրություն դարձնելով, որ մարդու իրավունքները եւ ժողովրդավարության հիմնարար արժեքները պարբերաբար խախտվում են, հիմք ընդունելով, որ կոպենհագենյան չափանիշներն այլեւս չեն կատարվում, անդամակցության շուրջ ԵՄ-ի եւ Թորքիայի միջեւ բանակցությունները պետք է դադարեցվեն»,- նախօրեին Վառնայում ԵՄ-Թուրքիա բարձր մակարդակով հանդիպմանը հայտարարել է Քուրցը:
Ըստ որում՝ նա նշել է, որ Թուրքիան «ԵՄ կարեւոր ռազմավարական գործընկերն» է մնում, որի հետ պետք է համագործակցել «հարեւանության հայեցակարգի շրջանակում»:
