Վարչապետի լիազորությունները պետք է սահմանափակվեն: Այս մասին, այսօր՝ մայիսի 7-ին, ԱԺ-ում ճեպազրույցների ժամանակ նել է ՀՅԴ խմբակցության ղեկավար Արմեն Ռուստամյանը:
Նրա խոսքով, խորհրդարանական համակարգը ոչ թե պետք է վերացվի, այլ զարգացվի եւ ավելի դեպի ապակենտրոնացում տանող քայլեր կատարվեն. «Դրանից է բխում այն, որ վարչապետի լիազորությունները պետք է սահմանափակվեն: Ոստիկանության, ազգային անվտանգության նկատմամբ վերահսկողություն ունենալը բխում է խորհրդարանական համակարգի տրամաբանությունից։ Դրանց նկատմամբ վերահսկողություն նաեւ ԱԺ-ն պետք է ունենա»:
Ինչ վերաբերում է ընտրական օրենսգրքին, ՀՅԴ խմբակցության ղեկավարն ասաց, որ նոր ընտրական օրենսգիրք պետք է ընդունվի, որտեղ պետք է վերացվի տարածքային-ռեյտինգային համակարգը»:
Ինչ վերաբերում է արտաքին քաղաքականությանը, Ռուստամյանը կարծում է, որ ԵՏՄ-ի, ՀԱՊԿ-ի պարագայում ձեռք բերված պայմանավորվածությունները, գործընկերային հարաբերությունները պետք է պահպանվեն. «Ցեղասպանության հարցում պետռք է վարվի այն քաղաքականությունը, որի մասին ՀՅԴ-ն վաղուց ասում է: Ղարաբաղի հարցը պետք է կարգավորվի այն տրամաբանությամբ, որն արտահայտել է Արցախի ժողովուրդը հանրաքվեի ժամանակ»:
