ԱՄՆ նախագահ Դոնալդ Տրամփի կինը՝ Մելանյան, չի ուղեկցի նրան ԿԺԴՀ նախագահ Կիմ Չեն Ընի հետ Սինգապուրում նախատեսված հանդիպման ժամանակ: Այս մասին տեղեկացնում է ABC News-ը՝ վկայակոչելով ԱՄՆ առաջին տիկնոջ մամուլի քարտուղար Ստեֆանի Գրիշեմին, փոխանցում է RT-ն: Գրիշեմի խոսքով՝ առաջին տիկինը չի այցելի նաեւ Քվեբեկ՝ G7 գագաթնաժողովին:
Նշվում է, որ 48-ամյա Մելանյա Թրամփը չի հայտնվել հանրության առջեւ մայիսի 10-ից: մայիսի 14-ին Սպիտակ տանը հայտնել էին, որ նա հիվանդանոց է տեղափոխվել:
«Անցյալ շաբաթ նա անձնակազմի հետ մի քանի ներքին հանդիպման է մասնակցել. դա շարունակվում է նաեւ այս շաբաթ»,- հայտնել է ԱՄՆ առաջին տիկնոջ ներկայացուցիչը՝ հավելելով, որ շուտով սպասվում է Մելանյա Թրամփի մասնակցությունը մի շարք այլ միջոցառումներին: