ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի գագաթնաժողովը կսկսվի իրենց առանձնազրույցով, որին ներկա կլինեն միայն պետությունների ղեկավարների պաշտոնական թարգմանիչները: Այս մասին նշվում է Սինգապուրում երկու ղեկավարների հանդիպման նախօրեին Սպիտակ տան կողմից հրապարակված հաղորդագրության մեջ, փոխանցում է «Գազետա»-ն:
«Նախագահ Դոնալդ Թրամփը վաղն առավոտյան ժամը 9.00-ին կհանդիպի Հյուսիսային Կորեայի առաջնորդ Կիմ Չեն Ընի հետ: Միմյանց ողջունելուց հետո նախագահ Թրամփը եւ նախագահ Կիմը կմասնակցեն առանձնազրույցին՝ միայն թարգմանիչների ներկայությամբ, ապա՝ ընդլայնված կազմով երկկողմանի հանդիպմանը եւ աշխատանքային ճաշին», - նշվում է հաղորդագրության մեջ:
ԱՄՆ վարչակազմում նաեւ նշել են, որ գագաթնաժողովից հետո ԱՄՆ նախագահը կմասնակցի մամուլի ասուլիսին, որից հետո ինքնաթիռով կվերադառնա ԱՄՆ: