«Սասնա ծռերի» անդամներ Վարդան Գերավետյանը եւ Թորոս Թորոսյանը գրավի կիրառմամբ ազատ կարձակվեն: Երեւանի ընդհանուր իրավասության դատարանի Շենգավիթի նստավայրում նման որոշում կայացրեց դատավոր Արշակ Վարդանյանը:
Վարդան Գերավետյանը ազատ կարձակվի 1 միլիոն դրամ գրավ մուծելուց հետո։ Իսկ Թորոս Թորոսյանը 500 հազար դրամ գրավի դիմաց ազատ կարձակվի:
Առանձնացված այս մասով արդեն ազատության մեջ են Արամ Հակոբյանը, Արամ Մանուկյանը և Հովհաննես Հարությունյանը:
Դատավորը նաեւ որոշեց դատաբժշկական փորձաքննության ենթարկել Մարտիրոս Հակոբյանին:
Դատական նիստն այսօր հետաձգվեց:
Հիշեցնենք նաև, որ դատավոր Արշակ Վարդանյանի վարույթում է գտնվում Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորգ Իրիցյանի, Թորոս Թորոսյանի առանձնացված մասով գործը: