News
Լրահոս
News
Ուրբաթ
Նոյեմբեր 16
Տեսնել լրահոսը


Ադրբեջանական կողմից կրակոցներ են արձակվել Գեղարքունիքի մարզի Ճամբարակ քաղաքի ուղղությամբ: Պաշտպանության նախարարության մամուլի խոսնակի տեղեկացմամբ՝ կրակել են հրազենային զինատեսակներից: Արծրուն Հովհաննիսյանի տեղեկություններով՝ ծանր հետեւանքներ չկան: Նա, սակայն, չի նշել, թե ամեն դեպքում ինչ վնասներ են եղել հակառակորդի կրակոցների արդյունքում:

Միջազգային գործընկերների հետ հարաբերություններում Հայաստանը հայցորդի կարգավիճակում չէ: Բրյուսելի օդանավակայանում լրագրողների հետ զրույցում Նիկոլ Փաշինյանն ասել է՝ այդ մասին ասել է նաեւ Եվրամիության ղեկավարության հետ հանդիպումներում: Վարչապետը Հայաստանի հանդեպ Եվրամիության քաղաքականության մեջ որեւէ փոփոխություն չի տեսնում՝ չնայած հեղափոխությունից հետո Եվրոպայից հնչած ոգեւորված հայտարարություններին:

ՆԱՏՕ-ում ելույթի ժամանակ Նիկոլ Փաշինյանը խոսել էր նաեւ հայ-ադրբեջանական սահմանին եւ Արցախի հետ շփման գծում Բաքվի սադրանքների մասին: Հանդիպումներում նույնպես շեշտել է, որ Բաքվի ագրեսիայի պայմաններում արցախյան հակամարտության խաղաղ կարգավորման մասին խոսք լինել չի կարող, եւ միջազգային հանրությունը պետք է արձանագրի սա:

«Ժառանգություն» կուսակցությունն ակտիվ մասնակցելու է արտահերթ խորհրդարանական ընտրություններին: Րաֆֆի Հովհաննիսյանն այսօր լրագրողներին ասել է՝ Նիկոլ Փաշինյանին միասնական ցուցակով ընտրությունների գնալու առաջարկ են արել:

Նա համաձայն չէ կարծիքին, որ «Ժառանգություն»-ը վերջին տարիներին պասիվություն է դրսեւորել: Ասում է՝ միշտ էլ ակտիվ կուսակցական գործունեություն են ծավալել եւ կարծում է, որ այս ընտրություններին հաջողության կհասնեն: Ինչ վերաբերում է ԱԱԾ-ի բացահայտումներին. Րաֆֆի Հովհաննիսյանը դրանք համարում է ուշացած, բայց ողջունելի: Նա նաեւ իրավապահներին հորդորում է իրենց գործողություններում խուսափել զգացմունքայնությունից:

Պետեկամուտների կոմիտեի նախագահն այսօր ամփոփել է 2018 թվականի առաջին 6 ամիսների արդյունքները: Հարկային եկամուտներն աճել են 15.6 տոկոսով, ամենաշատ հարկը հավաքագրվել է հունիսին: Դավիթ Անանյանի տեղեկացմամբ՝ պետությանը պատճառված 20 մլրդ դրամ վնասից պետբյուջե է մուտքագրվել արդեն 1.5 մլրդը: Նշենք, որ երեքշաբթի կայացած կառավարության նիստում նշվել էր 800 միլիոնի մասին:

ՊԵԿ նախագահը լրագրողների հետ հանդիպմանն անդրադարձել է նաեւ լցակայաններում օրերս տեղի ունեցած ստուգումներին: Նա պարզաբանել է, որ բացի «Գազպրոմ Արմենիա»-ից՝ խախտումներ են արձանագրվել խոշոր գործարարների պատկանող լցակայաններում:

Պետությանը պատճառված 7 մլն դոլար վնասը մինչեւ հուլիսի 20-ը կփոխհատուցի նաեւ «Նորֆոլկ» ընկերությունը: Դավիթ Անանյանի խոսքով՝ ընկերությունը մինչեւ այս ամսվա վերջ կլուծարվի, փոխարենը կստեղծվի պետական մասնակցությամբ բաց բաժնետիրական ընկերություն: Մյուս խնդրահարույց հարցն ավտոմեքենաների մաքսազերծումն է: Անանյանը հայտնել է, որ ՊԵԿ-ը մաքսային մարմինների աշխատանքում հստակ տարանջատում է մտցրել ինվոյսային գների եւ հսկիչ գների կիրառման համակարգում: Մեքենաների ներմուծման դեպքում առավելապես կիրառվում են ինվոյսային գները՝ բացառությամբ Վրաստանից ներմուծվողների, քանի որ շատ հաճախ այդ գներն արժանահավատ չեն:

Լրագրողները ՊԵԿ նախագահից հետաքրքրվել են նաեւ՝ ինչպե՞ս է պայքարելու մենաշնորհի դեմ, եւ որպես օրինակ նշել շաքարավազի մենաշնորհը: Ըստ մամուլի տեղեկությունների՝ այդ մենաշնորհը Հայաստանում պատկանում է գործարար Սամվել Ալեքսանյանին: Անանյանը խոստովանել է. շաքարավազի շուկայում նոր տնտեսվարողների մուտքը դժվար է լինելու:

ՊԵԿ յուրաքանչյուր նշանակում սոցցանցերում բուռն քննադատության է արժանանում, եւ Անանյանն անդրադարձել է նաեւ իր կադրային քաղաքականությանը: ՊԵԿ նախագահի խոսքով՝ պատասխանատու պաշտոններում նշանակում է փորձառություն ունեցող անձանց: Ասում է՝ եթե ՊԵԿ-ն իր առջեւ դրված խնդիրները կատարում է, ուրեմն կադրային նշանակումները ճիշտ են:

Ռուսաստանում հայտնաբերվել եւ ազատվել է հայազգի գործարար Սերգեյ Բուդաղովը: «Օռլովսկայա նիվա» ագրոհոլդինգի սեփականատիրոջն առեւանգել էին հուլիսի 10-ին: Բուդաղովի կյանքին եւ առողջությանը ոչինչ չի սպառնում: Միաժամանակ, իրավապահները ձերբակալել են գործարարի առեւանգմանը մասնակցած անձանց:

Անհայտ անձինք կանգնեցրել էին Բուդաղովի Lexus մակնիշի ավտոմեքենան, կապկպել վարորդին եւ թողել մեքենայի մեջ, իսկ Բուդաղովին նստեցրել են այլ ավտոմեքենա եւ տարել անհայտ ուղղությամբ: Նշենք, որ Սերգեյ Բուդաղովն Օռլովի մարզում օլիգարխ է համարվում: Ավելի վաղ նա պաշտոնյայի կաշառք տալու մեղադրանքով քրեական հետապնդման էր ենթարկվել, սակայն արդարացվել էր: Գործարարը պնդում է, որ իր դեմ գործ են հարուցել, քանի որ փորձում են բռնազավթել իր ագրոհոլդինգը:

Հուլիսի 13-ին դոլարը, եվրոն եւ ռուբլին էժանացել են: Դոլարի փոխարժեքը կազմել է 481 դրամ, եվրոյինը՝ 559, ռուբլունը՝ 7 դրամ 73 լումա, ֆունտինը՝ 631 դրամ:

Հուլիսի 14-16-ը հանրապետության հյուսիսային շրջաններում կեսօրից հետո սպասվում է անձրեւ եւ ամպրոպ: Օդի ջերմաստիճանն աստիճանաբար 6-8 աստիճանով կնվազի: Երեւանում առանձին հատվածներում հնարավոր են տեղումներ: Մայրաքաղաքում գիշերը կդիտվի +24+26, ցերեկը՝ +36+38 աստիճան տաքություն:

Տպել
Կարդացեք նաև
Ամբողջը
Օրվա գլխավոր լուրերը՝ «մեկ տողով»․ 15․11․2018
Վճռաբեկ դատարանը որոշեց մասնակի բավարարել Քոչարյանի գործով գլխավոր դատախազի բողոքը․․․
Օրվա գլխավոր լուրերը՝ «մեկ տողով»․ 14․11․2018
Նախորդ օրերի գլխավոր ինտրիգը, թե որ ուժը ինչ կազմով կմասնակցի արտահերթին, այսօր լուծվեց․․․
Օրվա գլխավոր լուրերը՝ «մեկ տողով»․ 13․11․2018
«Իմ քայլը» դաշինքի ցուցակի առաջին եռյակը հայտնի է՝ Նիկոլ Փաշինյան, Արարատ Միրզոյան, Լենա Նազարյան․․․
Օրվա գլխավոր լուրերը՝ «մեկ տողով»․ 12․11․2018
Նոր խորհրդարանում ՀՀԿ-ն ուզում է ձևավորել Փաշինյանի թիմի հակառակ բևեռը, և ըստ Վիգեն Սարգսյանի, ընտրությունը լինելու է հենց այս բևեռների միջև․․
Օրվա գլխավոր լուրերը՝ «մեկ տողով»․ 09․11․2018
Կրկնակի ռեկորդով չեմպիոնական հաղթանակ․ Աշգաբադում ընթացող ծանրամարտի աշխարհի առաջնությանը Սիմոն Մարտիրոսյանը նվաճել է չեմպիոնի կոչումը․․․
Օրվա գլխավոր լուրերը՝ «մեկ տողով»․ 08․11․2018
Վարչապետի պաշտոնակատար Նիկոլ Փաշինյանն աշխատանքային այցով Աստանայում է․․․
Partner news