Թուրքիայի եւ ԱՄՆ նախագահներ Ռեջեփ Թայիփ Էրդողանը եւ Դոնալդ Թրամփը հեռախոսով քննարկել են Սիրիայի արեւելքում Թուրքիայի ապագա ռազմական գործողությունը։ Այս մասին շաբաթ օրը լրագրողներին Դոհայի համաժողովի կուլիսներում հայտնել է Էրդողանի խորհրդական Իբրահիմ Կալինը՝ տեղեկացնում է ՌԻԱ Նովոստին։
Ուրբաթ օրը Թուրքիայի նախագահը հայտարարել էր, որ Անկարան պատրաստ է սկսել սիրիացի քրդերի ինքնապաշտպանական ուժերի (YPG) դեմ գործողությունը սիրիական Մանբիջում, եթե ԱՄՆ-ը չհանի նրանց այնտեղից։ Նույն օրը Էրդողանը Սիրիայի իրավիճակը հեռախոսով քննարկել է ԱՄՆ նախագահ Դոնալդ Թրամփի հետ։