Գեղարքունիքի մարզի Ծովակ գյուղի բնակիչներն այսօր՝ օգոստոսի 16–ին ի նշան բողոքի՝ փակել էին Երևան-Սևան-Վարդենիս ավտոճանապարհի՝  Ծովակ գյուղի հատվածը։

Գյուղացիները պահանջում են ազատ արձակել նախօրեին ձերբակալված իրենց համագյուղացուն։ NEWS.am–ի հետ զրույցում Ծովակ համայնքի ղեկավար Գարիկ Հակոբյանը հայտնեց, որ օգոստոսի 15–ի երեկոյան ոստիկանները ձերբակալել են իրենց համագյուղացի Տարոն Խաչատրյանին:

Նա նշեց, որ ճանապարհը փակ  է մնացել շուրջ 40 րոպե։

«Վարդենիսի բաժնի ոստիկանները բանակցել են գյուղացիների հետ և պայմանավորվածություն ձեռք բերել, ինչից հետո ակցիայի մասնակիցները համաձայնել են բացել ճանապարհը»,–ասաց համայնքի ղեկավարը։

NEWS.am–ի տեղեկություններով՝ ձերբակալված Տարոն Խաչատրյանը «Սևան ազգային պարկի» անտառագետն է։