News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը

Թուրքիայում մոտ 60 000 մարդ լքել է իշխող «Արդարություն եւ զարգացում» կուսակցությունը՝ կապված Ստամբուլի քաղաքապետի ընտրություններում ԱԶԿ-ի պարտության հետ, BirGün օրաթերթում գրում է մեկնաբան Գյուվեն Գյուրկան Օզտանը։

ԱԶԿ-ին անդամակցումը Թուրքիայի քաղաքացիների համար շատ դռներ է բացել եւ համարյա պարտադիր է եղել, եթե որեւէ մեկը ցանկացել է խոշորամասշտաբ տենդեր շահել կամ աշխատանք գտնել հարազատի համար, նշում է հեղինակը՝ հավելելով, որ Ստամբուլի եւ Անկարայի քաղաքապետի ընտրություններում ԱԶԿ-ի պարտությունից հետո կուսակցության տնօրինության տակ եղած ռեսուրսները զգալիորեն կրճատվել են։

Նրա խոսքերով, ներկայում պայքար է գնում կարկանդակի մեծ կտորի համար, քանի որ կուսակցական էլիտան չի ցանկանում կիսել այն։

Մեկը մյուսի հետեւից կոռուպցիոն պատմությունների բացահայտմանը զուգընթաց՝ ԱԶԿ-ի կարեւոր անդամները հրաժարական են տալիս, որպեսզի նոր կուսակցություններ ստեղծեն, եւ Ռեջեփ Թայիփ Էրդողանին ուժ չի մնում, որպեսզի կանգնեցնի նրանց, քանի որ կուսակցությանն անդամակցությունը թանկ է նստում։ Երկրի պահպանողականներին միավորող Էրդողանի, որպես առաջնորդի, վարկանիշը կասկածի տակ է դրվում։

Էրդողանի դաշնակիցը՝ ազգայնականների առաջնորդ Դավլետ Բախչելին, տեսնում է, որ որոշ ընտրողներ, որոնք հեռացել են իշխող կուսակցությունից, իրեն են միացել, եւ հասկանալով, որ իր կուսակցությունը կարրող է առաջինը դառնալ Էրդողանի հետ դաշինքի լուծարումից հետո, ավելի է ուժեղացնում ճնշումը։ Հեղինակը նշում է, որ շատերը հասկանալով, որ ԱԶԿ-ն խորտակվում է, փախչում են նավից։

Նախարարները, որոնց ԱԶԿ-ն նշանակել է մասնավոր ոլորտից, խորացնում են իրավիճակը, քանի որ բյուրոկրատական մեխանիզմները, որը կառավարությունը պետք է կանոնակարգեր, ունակ չեն լուծել ամենահիմնական խնդիրները։

Մեկնաբանի խոսքերով, երկրում ներկա խնդիրների արմատական պատճառը նախագահական համակարգն է։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրք դերասան Օրհան Այդընն ազատազրկման է դատապարտվել Էրդողանին «վիրավորելու» համար
Այդընը նրան բռնապետ է անվանել ...
Թուրքիայում դատում են Bloomberg-ի լրագրողներին տնտեսական ճգնաժամի մասին հրապարակման պատճառով
Թուրքիայում սկսվել է Bloomberg-ի երկու լրագրողների դատավարությունը...
Ահմեթ Դավութօղլուն հայտնել է իշխող «Արդարություն եւ զարգացում» կուսակցությունից դուրս գալու մասին
Դավութօղլուն ԱԶԿ երկրորդ առանցքային դեմքն է, որը կուսակցության շարքերը լքում է նախկին փոխվարչապետ եւ էկոնոմիկայի նախարար Ալի Բաբաջանից հետո…
Թուրքիայի ՆԳ նախարարն սպառնացել է ընդդիմադիր կուսակցապետին. արձագանքել է Կարո Փայլանը
Եթե Թուրքիայում դատախազ մնացել է, ապա սպառնալիք...
ԱԶԿ-ում որոշել են ազատվել Դավութօղլուից
ԱԶԿ-ն որոշել է իր շարքերից հանել Ահմեթ Դավութօղլուին...
ԼՊԿ-ն Թուրքիայի իշխանություններին կոչ է արել ազատել կալանավորված լրագրողներին
Էրդողանի կառավարությունը թուրքական լրատվամիջոցների վրա ճնշումների մեղմացման ոչ մի նշան չի դրսեւորում…