![](img/news/56/75/79/default.jpg)
Գերմանական ԶԼՄ-ները «բռնացրել» են կանցլեր Անգելա Մերկելին կեղծիքի մեջ: Կորոնավիրուսի պանդեմիայի շրջանում Գերմանիայի կառավարությունը բազմիցս կոչ է արել բնակչությանը պահպանել հանգստություն, չմատնվել խուճապի, այդ թվում՝ սպառողական իրարանցմանը, գրում է ՄԿ-ը:
Գերմանիան հայտնվել է այն եվրոպական երկրների շարքում, որոնց բնակիչները խուճապահար սկսել են գնել խանութներում պահպանման երկար ժամկետ ունեցող եւ առաջին անհրաժեշտության ապրանքներ, օրինակ, զուգարանի թուղթ:
Կանցլերը ժողովրդին ուղղված իր հեռուստաուղերձում կոչ է արել համաքաղաքացիներին գործել խելամիտ ու հիշել ուրիշ մարդկանց մասին, որոնց համար մի օր կարող են չբավարարել ապրանքներն այն պարզ պատճառով, որ մարդիկ խուճապահար ձեռք են բերել դրանք մեծ բաժիններով:
«Սպառողները բացարձակապես չեն ցուցաբերում համերաշխություն միմյանց նկատմամբ»,-հայտարարել է Մերկելը:
Բայց հենց նրան են պապարացիները նկարել Բեռլինի խանութներից մեկում զուգարանի թուղթ գնելիս: RTL-ի հաղորդմամբ՝ կանցլերի զամբյուղում կար լոգանքի գել, օճառ...
Ճիշտ է, հրապարակման մեջ չի նշվում, թե ինչ չափաբաժնով է Մերկելը գնել զուգարանի թուղթը: Դատելով զամբյուղի հրապարակված լուսանկարից՝ նա պարզապես համալրել է իր տան անհրաժեշտ եւ սպառված ապրանքները: Այսպես, կանցլերը գնել էր չորս շիշ գինի: