Գերմանիայի կանցլեր Անգելա Մերկելը, ով այժմ գտնվում է տնային կարանտինում, լավ է իրեն զգում, նա ակտիվ է եւ մասնակցել է կառավարության նիստին վիդեոկոնֆերանսի ռեժիմով: Այս մասին երկուշաբթի հայտարարել է Գերմանիայի փոխկանցլեր, ֆինանսների նախարար Օլաֆ Շոլցը, փոխանցում է ՏԱՍՍ-ը:
«Կանցլերն այս պահի դրությամբ առողջ է. նա ընդամենը տնային կարանտինում է, քանի որ դրա համար պատճառներ կային: Բայց նա ակտիվ է. այսօր մենք միասին ղեկավարել ենք նախարարների կաբինետի նիստը»,- ասել է Շոլցը:
Կիրակի Գերմանիայի կառավարության պաշտոնական ներկայացուցիչ Շտեֆեն Զայբերտը լրագրողներին հայտնել էր որ բժիշկը, ով ուրբաթ Մերկելին թոքաբորբի պրոֆիլակտիկ պատվաստանյութ էր ներարկել, վարակվել է կորոնավիրուսով: Այս կապակցությամբ կանցլերն առաջիկա օրերին պարբերաբար թեստեր կհանձնի:
