Ցանկալի է,որ լրագրողներն աշխատանքը կատարեն տանից: Այս մասին այսօր`մարտի 24-ին հրավիրված մամուլի ասուլիսի ընթացքում ասաց ՀՀ փոխվարչապետի խորհրդական Սուրեն Քրմոյանը:
«Ցանկալի է,որ լրագրողներն աշխատանքը կատարեն տանից։ Այս օրերին բոլոր պետական մարմինները չեն աշխատելու։ Ամբողջ տեղեկությունը մաքսիմալ հասանելի է լինելու առցանց։ Այսինքն` բոլոր սահմանափակումները կիրառվելու են, եթե ելքի նպատակը չկա, ուրեմն դուք նույնպես պետք է մնաք տանը եւ աշխատեք տանից»:
Նշենք, որ Պարետատունը քիչ առաջ խստացրեց արտակարգ դրության պայմանները: Քաղաքացիները այսօր ժամը` 23:00-ից չեն կարող առանց տեղաշարժման թերթիկի եւ անձը հաստատող փաստաթղթի առկայության դուրս գալ բնակարաններից:
Նշենք, որ ՀՀ վարչապետի աշխատակազմի հանրային կապերի և տեղեկատվության կենտրոն ՊՈԱԿ-ի ղեկավար Հովհաննես Մովսիսյանը ֆեյսբուքյան իր էջում գրել էր, որ առաջիկա օրերին աշխատելու ընթացքում լրագրողների տեղաշարժը չի սահմանափակվի, եթե ունենան բեյջեր:
«Հարգելի լրագրողներ
Առաջիկա օրերին աշխատելու ընթացքում ձեր տեղաշարժը չի սահմանափակվի, եթե ունենաք բեյջեր
Քաղաքացիների դեպքում պետք է լինի լրացրած ձևաթուղթ, կամ ձևաթղթի տրամաբանությամբ ձեռագրով գրված թուղթ»,- գրել էր նա: