News
Լրահոս
News
Երեքշաբթի
Սեպտեմբեր 22
USD
485.26
EUR
574.98
RUB
6.46
ME-USD
0.01
Տեսնել լրահոսը

ԱՄՆ պետքարտուղար Մայք Պոմպեոն կրկին քննադատության տարափ է տեղացել Չինաստանի վրա՝ հայտարարելով, որ կորոնավիրուսի մասին տեղեկատվության փոխանակման հարցում Պեկինի «հապաղումը» ռիսկեր է ստեղծել ամբողջ աշխարհի մարդկանց համար։

Washington Watch ռադիոհաղորդմանը տված հարցազրույցում Պոմպեոն հայտարարել է, որ մտահոգված է «տեղեկատվությունը թաքցնելու եւ ապատեղեկատվության համար, որով զբաղվում է Չինաստանի Կոմունիստական կուսակցությունը՝ շարունակելով աշխարհին զրկել անհրաժեշտ տեղեկատվությունից, որպեսզի մենք կարողանանք կանխել նոր դեպքերի կրկնությունը կամ դրա պես մի բան»։

Նա վիրուսի մասին ապատեղեկատվություն տարածելու համար նաեւ մեղադրել է Իրանին եւ Ռուսաստանին․ «Ապատեղեկատվության քարոզչությունը Ռուսաստանում, Իրանում եւ Չինաստանում շարունակվում է»։

Չնայած Չինաստանի հանդեպ իր կտրուկ քննադատությանը՝ Պոմպեոն ձեռնպահ է մնացել «չինական վիրուս» կամ «Ուհանի վիրուս» որակումներից, որոնք բազմիցս օգտագործել էր՝ խիստ զայրացնելով Չինաստանին, հայտնում է Reuters-ը։

«Կգա փոխադարձ մեղադրանքների ժամանակը»,- ասել է Պոմպեոն՝ հավելելով, որ աշխարհի համար կարեւոր է իմանալ, թե ինչ է իրականում տեղի ունենում։ «Սա չդադարող գլոբալ ճգնաժամ է, եւ մենք պետք է ապահովենք, որ յուրաքանչյուր երկիր այսօր լինի թափանցիկ՝ կիսելով այն, ինչն իրականում տեղի է ունենում, որպեսզի առողջապահության եւ վարակիչ հիվանդությունների համաշխարհային հանրությունը կարողանա սկսել աշխատանքը»։

Պեկինում ԱԳՆ պաշտոնական ներկայացուցիչ Գեն Շուանը հայտարարել է, որ Չինաստանը թափանցիկ է եւ տեղեկատվությամբ կիսվել է ԱՀԿ-ի ու այլ երկրների հետ, ներառյալ՝ Միացյալ Նահանգները։ «Մենք կոչ ենք անում ԱՄՆ-ին դադարել քաղաքականացնել համաճարակը եւ դադարել հարձակվել Չինաստանի վրա ու զրպարտել նրան»,- ամենօրյա մամուլի ասուլիսում ասել է Շուանը։

Պոմպեոն ասել է, թե ապագայում անհրաժեշտ կլինի «շատ կարեւոր որոշումներ» ընդունել այն մասին, թե ինչպես պետք է կառուցվեն Միացյալ Նահանգների եւ Չինաստանի հարաբերությունները։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արցախում կորոնավիրուսի 12 նոր դեպք է գրանցվել
Առայսօր, COVID-19-ը ախտորոշվել է 379 մարդու մոտ, որից 325-ը հաղթահարել է հիվանդությունը: Փաստացի բուժում է ստանում 52, ընդհանուր մեկուսացված է 92 քաղաքացի…
Ոսկին թանկանում է համավարակի երկրորդ ալիքի կապակցությամբ մտավախությունների ֆոնին
Ոսկու դեկտեմբերյան ֆյուչերսների գինը Comex նյույորքյան ֆոնդային բորսայում աճել է 0.4 տոկոսով կամ 7.65 դոլարով` մինչեւ 1918.3 դոլար մեկ տրոյական ունցիայի դիմաց...
Վրաստանում կորոնավիրուսից երկու մարդ է մահացել
Ծանր վիճակում գտնվող 67-ամյա մի տղամարդը միացվել էր արհեստական ​​շնչառության ապարատին...
Մոսկվա-Երեւան առաջիկա չարտերային չվերթերի ժամանակացույցը
Չվերթի հետ կապված բոլոր հարցերով դիմել նշված ավիաընկերություններին...
Կորոնավիրուսից մահացածներն են 83-ամյա կին եւ 69-ամյա տղամարդ
Այսպիսով` երեկ կատարվել է 825 թեստավորում, որից հաստատվել է կորոնավիրուսային հիվանդության 115 նոր դեպք: Ունենք 39 առողջացած...
Կորոնավիրուսով վարակման 115 նոր դեպք մեկ օրում. մահացել է 3 մարդ
Ընդհանուր թեստերի թիվը կազմում է 266066, վերջին մեկ օրում` 825 նոր թեստավորում...