Թուրքիան կորոնավիրուսի պատճառով բոլոր միջազգային չվերթները չեղարկել է, իսկ միջքաղաքային փոխադրումները կիրականացվեն շրջանների ղեկավարների թույլտվությամբ, հայտարարել է երկրի նախագահ Ռեջեփ Թայիփ Էրդողանը, հայտնում է ANews։
Էրդողանը նաեւ հայտնել է, որ քաղաքացիները պետք է միայն անհրաժեշտ գնումների համար դուրս գան տներից եւ պետք է կամավոր ինքնամեկուսացվեն։
«Եթե չենք ուզում, որ այդ միջոցառումները անցնեն մյուս փուլ, մենք պետք է տառացիորեն պահպանենք կամավոր կարանտինի պայմանները։ Ի՞նչ է նշանակում կամավոր կարանտին։ Դա նշանակում է՝ դուրս մի եկեք ձեր տներից»,- ուրբաթ օրը կայացած մամուլի ասուլիսում հայտարարել է Էրդողանը։
Ինչպես նշում է կայքը, վերջին տվյալներով՝ Թուրքիայում գրանցվել է կորոնավիրուսով վարակման 5 698 եւ 92 մահվան դեպք։