Հայաստանում խնդիրներ կան մեկուսացված քաղաքացիներին սննդամթերքով պահովելու հարցում: Այս մասին ապրիլի 1-ին մամուլի ասուլիսի ժամանակ ասաց համաճարակաբան Էդուարդ Հովհաննիսյանը:
Համաճարակաբանի խոսքով՝ երբ հաճախում է խանութներ, դառնում է այն բանի վկան, որ վաճառողները պատշաճ կերպով պաշտպանված չեն կորոնավիրուսային ինֆեկցիայով վարակվելու սպառնալիքից:
Փորձագետը նշեց, որ եթե բուժանձնակազմի հարցում դեռ կարելի է ինչ-որ կերպ հարցը լուծել այլ աշխատակիցներով փոխարինելով, ապա խանութների դեպքում կարող է բնակչությանը մթերքով ապահովելու խնդիր առաջանալ, որի լուծումը էլ ավելի բարդ խնդիր կդառնա: «Արդյունքում մենք չենք կարողանա մարդկանց համոզել տանը մնալ, քանի որ նրանք ստիպված են լինելու լուծել իրենց մթերքով ապահովելու հարցը»,- պարզաբանեց Հովհաննիսյանը:
Նան հիշեցրեց, որ խորհրդային առողջապահական համակարգն, օրինակ, տարբեր տեսակի վիրուսային հիվանդությունների համավարակների եւ համաճարակների պարագայում անմիջապես դիմում էր հակազդման խիստ միջոցների՝ չիրականացնելով փուլային սահմանափակող միջոցներ, ինչպես արվում է այսօր: «Դուք գիտեք, որ խորհրդային առողջապահական համակարգն ամեն ինչի պատրաստ էր, ընդհուպ մինչեւ պատերազմի… Չպետք է վախենալ խիստ միջոցներից, քանի որ դրանք կարող են մեզ «ծիծաղելի» վիճակում դնել: Թող այդպես լինի: Թող մենք զոհաբերենք մեր վարկանիշը, բայց այդ ժամանակ կկարողանանք ձեռնարկել գործուն սահմանափակող միջոցառումներ եւ վերջնարդյունքում կհայտնվենք ավելի ձեռնտու վիճակում»,- շեշտեց համաճարակաբանը:
