Twitter միկրոբլոգների ցանցի հիմնադիր Ջեք Դորսին գրեթե 1 մլրդ դոլար է նվիրաբերել նոր կորոնավիրուսի դեմ պայքարին: «Ես Square ընկերության բաժնետոմսերից 1 մլրդ դոլար եմ ուղարկում (իմ կարողության մոտ 28 տոկոսը) Start Small հիմնադրամ՝ ֆինանսավորելու համար COVID-19-ի դեմ պայքարում գլոբալ օգնությունը»,- Twitter-ում նշել է Դորսին, փոխանցում է «Գերմանական ալիքը»:

43-ամյա ձեռնարկատերը նաեւ նշել է, որ համավարակի դեմ հաղթանակից հետո հիմնադրամի աշխատանքի կենտրոնացումը կտեղափոխվի առողջապահության եւ աղջիկների կրթության ոլորտի նախագծեր, ինչպես նաեւ անվերապահ բազային եկամտի կոնցեպցիայի իրականացում:

Ջեք Դորսին մտադիր է հիմնադրամը թափանցիկ ղեկավարել եւ հանընդհանուր հասանելի ֆայլ ստեղծել, որում հրապարակվելու է Start Small-ի ծախսերի ամբողջ հաշվետվությունը: Այդ տվյալների համաձայն՝ հիմնադրամն արդեն կատարել է առաջին նվիրատվությունը՝ 100 հազար դոլար էր փոխանցվել America's Food Fund բարեգործական կազմակերպության մարդկանց սննդամթերքով ապահովելու նախագծին, որոնց կորոնավիրուսի համավարակն առնչվել է:

I’m moving $1B of my Square equity (~28% of my wealth) to #startsmall LLC to fund global COVID-19 relief. After we disarm this pandemic, the focus will shift to girl’s health and education, and UBI. It will operate transparently, all flows tracked here: https://t.co/hVkUczDQmz

— jack (@jack) April 7, 2020