Լոս Անջելեսի շրջանի հանրային առողջապահության դեպարտամենտի մամուլի քարտուղար Կարին Հովհաննիսյանը դիմել է համայնքին հայերենով եւ կոչ արել հայ-ամերիկյան հանրությանը հետեւել անվտանգության միջոցառումներին COVID-19 վարակը կանխելու համար, հաղորդում է Massis Post-ը:
Վերջին տվյալներով՝ Գլենդելում գրանցված է շրջանում COVID-19-ով վարակվելու ամենաբարձր մակարդակներից մեկը՝ այսօրվա դրությամբ 166 դեպք: Ըստ հայաշատ մյուս շրջանների վիճակագրության՝ Բերբանկում գրանցվել է 83 դեպք, Հյուսիսային Հոլիվուդում՝ 103, Հոլիվուդում՝ 109 եւ Պասադենայում՝ 80 դեպք:
Massis Post-՝ի հաղորդմամբ՝ «մի քանի որակավորված բժշկական հաստատություններ հայտնել են բնակիչների վարակման դեպքերի մասին, այդ թվում՝ Ararat Convalescent Hospital հիվանդանոցում: Պաշտոնատար անձինք հաստատել են, որ իրավիճակը վերահսկվում է ու ձեռնարկված են անհրաժեշտ միջոցներ COVID-19-ի հետագա տարածումը կանխելու համար»:
