Քաղաքում 2–3 դեպք ունենք, հնարավոր է կոնտակտավորներ էլ լինեն, այս պահին ստույգ թիվ չեմ կարող ասել։ Այս մասին այսօր՝ ապրիլի 26–ին, NEWS.am-ի հետզրույցում ասաց Վանաձորի քաղաքապետ Մամիկոն Ասլանյանը։
«Վանաձորի ինֆեկցիոն հիվանդանոցն էլ է սպասարկում հիվանդներին եւ մեր կոնտրոնում հիվանդներ կան, որ Վանաձորի բնակիչներ չեն, դրա համար չեմ կարող ասել, թե մեր քաղաքացիները կոնկրետ, որ բուժհաստատությունում են գտնվում։ Գիտեմ, որ մի քանիսը Թուրքիայից ավտոբուսներով եկած մեր հայրենակիցներն են։ Հյուրանեցներում եղել են մեկուսացվածներ, բայց այս պահին չկան, քանի որ բոլորի կարանտինային ժամկետը լրացել է, թեստավորվել են եւ բացասական արդյունք է եղել, դուրս են գրվել»,– ասաց քաղաքապետը։
Ասլանյանի խոսքով՝ քաղաքում բնակչության շարժը մեծ չէ, վերահսկվում է, եւ որ եղանակային պայմաններն էլ թույլ չեն տալիս, որ մարդկանց շարժ լինի։
