ՀՀ կառավարությունը չի փորձի պետբյուջեի ծախսերն իր հայեցողությամբ վերանայել։ Այս մասին ապրիլի 29-ին Ազգային ժողովի արտահերթ նիստում «2020թ․ պետական բյուջեի մասին» օրենքում փոփոխություններ եւ լրացումներ կատարելու օրենքի նախագծի երկրորդ ընթերցմամբ քննարկման ժամանակ ասաց ֆինանսների նախարար Ատոմ Ջանջուղազյանը՝ պատասխանելով պատգամավորների հարցերին։
Պետության ունեցած ծախսերը ապահովելու համար, ըստ նախարարի, անհրաժեշտ են ոչ միայն վարկեր, այլեւ հարկային մուտքեր։ Այդ պատճառով, ինչպես նշեց Ջանջուղազյանը, բոլոր հարկային պարտավորությունները կգանձվեն ամբողջ ծավալով, որպեսզի պետությունը կարողանա օգնել նրանց, ովքեր դրա կարիքն ունեն։