Եվրահանձնաժողովն առցանց ճեպազրույց է կազմակերպել, որը նվիրված էր ԵՄ աջակցությանն Արեւելյան գործընկերության երկրներին COVID-19-ի համավարակի պայմաններում եւ ԶԼՄ-ների եւ ԵՄ-ի կողմից վիրուսի շուրջ ապատեղեկատվության դեմ պայքարին ուղղված աշխատանքին:
Եվրոպական հանձնաժողովի հարեւանության եւ ընդլայնման շուրջ բանակցությունների գծով գլխավոր տնօրենի տեղակալ Կատարինա Մատերնովան նշել է, որ համավարակային իրավիճակը տարբեր է բոլոր վեց երկրներում:
Ըստ նրա` Վրաստանն արագորեն արձագանքել է կորոնավիրուսի հետ կապված իրավիճակին, ուստի իրավիճակը երկրում վատ չէ: Անդրադառնալով Բելառուսում համավարակի հետ կապված իրավիճակին` նա նշել է, որ Բելառուսում միջոցներ չեն ձեռնարկվել, եւ դա անդրադարձել է վիրուսի տարածման վրա հանրապետության տարածքում: «Ուստի կանխատեսելի է, որ COVID-19-ի ազդեցությունը Բելառուսի վրա բավականին մեծ կլինի»,- ասել է նա: