Իրանում կորոնավիրուսով վարակման դեպքերի թիվը հասել է 129 341-ի, մահվան դեպքերի թիվը՝ 7249-ի, գրանցվել է առողջացման 100 564 դեպք: Այս մասին հինգշաբթի հայտարարել է Իրանի առողջապահության եւ բժշկական կրթության նախարարության հասարակայնության հետ կապերի վարչության պետ Քիանուշ Ջահանփուրը, փոխանցում է IRNA-ն:
«Անցած մեկ օրվա ընթացքում հայտնաբերվել է կորոնավիրուսով վարակման 2.392 նոր դեպք: Վարակվածների ընդհանուր թիվը հասել է 129 341-ի »,- մամուլի ասուլիսին հայտնել է Ջահանփուրը:
Նա նշել է, որ վերջին 24 ժամվա ընթացքում մահացել է 66 մարդ՝ հավելելով, որ Իրանում մահացել է ընդհանուր 7 249 մարդ:
Ջահանփուրի խոսքով՝ վարակվածների շրջանում գրանցվել է վերականգնման 129 341 դեպք: «2655 հիվանդ ծանր վիճակում է»,- պարզաբանել է Ջահանփուրը:
