Թաիլանդի կառավարությունն ավելի քան 22 միլիարդ բատ (707 միլիոն դոլար) բյուջե ունեցող երեք նախագիծ է հաստատել, որոնք կօգնեն երկրի զբոսաշրջային արդյունաբերությանը վերականգնվել կորոնավիրուսային ճգնաժամից, հայտնում է AP-ն:
Փաթեթները նախատեսված են հուլիսից հոկտեմբեր ամիսներին ներքին զբոսաշրջությունը խթանելու համար: Զբոսաշրջությանը որպես կանոն բաժին է ընկնում Թաիլանդի ՀՆԱ-ի ավելի քան 10 տոկոսը: Միջազգային չվերթները դադարեցվել էին ապրիլի սկզբին, ինչը շուկայի հյուծման էր հանգեցրել:
Օժանդակության ամենամեծ փաթեթը, որի արժեքը 18 միլիարդ բատ է (579 միլիոն ԱՄՆ դոլար), ճանապարհորդներին մինչեւ հինգ գիշեր մնալու դեպքում 40 տոկոս զեղչ կտրամադրի մեկ գիշերվա համար: Նրանց նաեւ օրական 600 բատ (19 դոլար) կրեդիտ կտրամադրեն լրացուցիչ ծառայությունների համար, ինչպիսիք են սնունդը եւ հուշանվերները:
Երկրորդ փաթեթը, որի մոտավոր արժեքը 2 միլիարդ բատ է (64 միլիոն ԱՄՆ դոլար), մինչեւ 2 միլիոն թայվանական սուբսիդիա կտրամադրի 1000 բատի (32 ԱՄՆ դոլար) չափով՝ ավիատոմսերի տարածաշրջանային ավտոբուսների եւ ավտոմեքենաների վարձակալության համար:
Երրորդ փաթեթը, որի արժեքը 2.4 միլիարդ բատ է (77 միլիոն դոլար), կրկնակի գործառույթ ունի՝ մոտ պարգեւավճարներ վճարելով 1.2 միլիոն բուժաշխատողի եւ նրանց, ով COVID-19-ի դեմ պայքարի առաջնագծում է: Նրանք 2000 բատ (64 դոլար) կրեդիտի իրավունք կունենան տեղական տուրիստական գործակալությունների միջոցով ամրագրված ուղեւորությունների համար:
Քննարկվում են օտարերկրյա ճանապարհորդների աստիճանական վերադարձի պլանները:
