Հայկական հեռուստաալիքներից մեկը տուգանվել է կորոնավիրուսի մասին ապատեղեկատվություն տարածելու համար: Այս մասին այսօր՝ հունիսի 17-ին, ԱԺ նիստում Հեռուստատեսության եւ ռադիոյի ազգային հանձնաժողովի 2019 թվականի գործունեության մասին հաշվետվության քննարկման ժամանակ ասաց ՀՌԱՀ նախագահ Տիգրան Հակոբյանը
Նա նշեց, որ կորոնավիրուսի տարածման սկզբից եւ արտակարգ դրության հայտարարումից հետո Հայաստանում բոլոր հեռուստաալիքները արձագանքեցին պարետատան կոչին եւ անվճար տարածեցին զգուշացնող սոցիալական հոլովակներ: Հակոբյանի խոսքով՝ այդ առումով հեռուստաալիքները լավ աշխատանք են տարել: «Նրանք նույնիսկ ներկայացրեցին իրենց հոլովակները»,-ասաց Հակոբյանը:
«Հեռուստաալիքները հյուրերի են հրավիրում, որոնք ակնհայտ ապատեղեկատվություն են տարածքում: Ապատեղեկատվության մոտ 90 տոկոսը նրանք են տարածում»,-ասաց նա:
Նա նշեց, որ նման նորությունների պատճառով հանձնաժողովը 20 օր առաջ տուգանել է հեռուստաալիքներից մեկին: «Մենք փորձում ենք վերահսկել, սակայն դա արդեն խոսքի ազատության սահմանափակման շեմին է: Բացի այդ, մենք չենք կարող վերահսկել իրավիճակը, քանի որ դրա համար պատասխանատու է պարետատունը»,-հավելեց Տիգրան Հակոբյանը:
