ՆԱՏՕ-ի երկրները սկսել են պատասխան գործողությունների նախապատրաստական աշխատանքների իրականացումը՝ կորոնավիրուսի համավարակի երկրորդ ալիքի առաջացման դեպքում: Այս մասին ուրբաթ օրը հայտարարել է Հյուսիսատլանտյան դաշինքի գլխավոր քարտուղար Յենս Ստոլտենբերգը Պենտագոնի ղեկավար Մարկ Էսփերի հետ Բրյուսելում կայացած հանդիպումից առաջ, փոխանցում է ՏԱՍՍ-ը:
«Կորոնավիրուսի համավարակի հնարավոր երկրորդ ալիքին արձագանքելու մեր պատրաստվածությունն ավելանում է գործողությունների ծրագրի ստեղծման, բժշկական պարագաների եւ սարքավորումների պահեստավորման եւ լրացուցիչ ֆինանսավորման հատկացման շնորհիվ: Մեր ամբողջ դաշինքում մեր զինվորականներն օր ու գիշեր աջակցում են համաճարակի դեմ պայքարի քաղաքացիական ջանքերին: Մեր երկրները պետք է շարունակեն ներդրումներ կատարել (պաշտպանության ոլորտում)՝ ուժեղ մնալեւ համար եւ ապահովելու, որպեսզի առողջական ճգնաժամն անվտանգության ճգնաժամի չվերածվի»,- հայտարարել է նա:
Համաճարակի երկրորդ ալիքին ախապատրաստվել սկսելու ՆԱՏՕ-ի քաղաքական որոշումը կայացվել է Դաշինքի պաշտպանության նախարարների խորհրդակցությունների արդյունքում, որոնք տեղի են ունեցել հունիսի 17-18-ին վիդեոկոնֆերանսի ձեւաչափով:
