Բրազիլիայի նախագահ Ժաիր Բոլսոնարոն վարակվել է կորոնավիրուսով: COVID-19-ի թեսթի նպատասխանը դրական է եղել, հայտնում է APը:
Բոլսոնարոն հաստատել է թեսթի արդյունքները։ «Ես լավ եմ։ Նույնիսկ ուզում եմ զբոսնել այստեղ, բայց չեմ կարող բժիշկների խորհուրդների պատճառով»,- ասել է Բոլսոնարոն, ով դիմակով է եղել:
Նախագահը հաճախ է հայտնվել հանրության մեջ առանց դիմակի, նա սեղմել է աջակիցների ձեռքերը եւ զրուցել ամբոխի հետ: Նա հայտարարել էր, թե այն փաստը, որ նախկինում ինքը մարզիկ է եղել, կպաշտպանի իրեն վիրուսից, եւ դա կլինի ոչ ավելին, քան «թեթեւ գրիպ», եթե ինքը վարակվի:
Նա նաեւ բազմիցս ասել է, որ չկա բնակչության 70%-ի վարակումը կանխելու միջոց, եւ տեղական իշխանությունների սահմանափակող միջոցառումները, ի վերջո, ավելի մեծ դժվարությունների կհանգեցնեն:
