News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը

Հյուսիսային Կարոլինայում Չափել Հիլի համալսարանի մի խումբ գիտնականներ առցանց հետազոտություն են անցկացրել` պարզելու, թե ինչպես է փոխվել ծխողների վարքագիծը համավարակի ժամանակ:  Երկու շաբաթվա ընթացքում հարցմանը 800 մարդ է մասնակցել: Հարցումն ավելի մեծ հետազոտության մի մասն է, որի արդյունքները հրապարակվել են International Journal of Environmental Research and Public Health-ում:

Հետազոտությունը ցույց է տվել, որ նախորդ 30 օրվա ընթացքում բոլոր հարցվածները ծխել են, ընդ որում, նրանց 18 տոկոսը հայտարարել է վատ սովորությունը թողնելու մտադրության մասին, իսկ 41 տոկոսը, հակառակը, սկսել է ավելի հաճախ ծխել: Գիտնականները կարծում են, որ դա կարող է մի քանի պատճառ ունենալ: Միգուցե լուրերը սթրեսի եւ անհանգստության զգացում են պատճառում, ուստի մարդիկ ծխում են հանգստանալու համար, փոխանցում է Naked-Science-ը:

Բացի այդ, կարանտինի ընթացքում նրանք ձանձրանում էին, իսկ սովորությունը օգնել է շեղվել եւ ժամանակ լցնել: Վերջապես, նրանք, ով նախատեսում էր թողնել ծխելը,  սահմանափակումների պատճառով չեն կարող իկոտինի փոխարինման թերապիա անցնել կամ աջակցություն ստանալ մասնագետներից կամ անանուն ծխողների խմբերում:

Ընդ որում, հեղինակները նշել են, որ ԱՄՆ-ում սպիտակ եւ սեւ հարցվողների շրջանում ծխախոտի նկատմամբ վերաբերմունքը տարբեր է: Այդպես, վերջիններն ավելի հաճախ են պլանավորել հրաժարվել սովորությունից: Գրեթե կեսը (46.5 տոկոս) հայտնել է, որ փորձել է թողնել ծխելը համավարակի մեկնարկի օրվանից, իսկ 70.8 տոկոսը ցանկացել է դա անել առաջիկա վեց ամսվա ընթացքում:

Հոդվածի հեղինակ Սառա Կովիթն ասել է, որ ուսումնասիրությունը կարող է ազդել համաշխարհային առողջապահական քաղաքականության վրա: Այն ցույց է տալիս, որ ծխելը թողնելու փորձերը կարող են հաջող լինել միայն այն դեպքում, երբ մարդիկ բավարար աջակցություն են ստանում, այդ թվում` կառավարության կողմից: Հետազոտողը խորհուրդ է տալիս նիկոտինի փոխարինման թերապիան ավելի մատչելի դարձնել` կապ ապահովելով հոգեբանների եւ կախվածության բուժման մասնագետների հետ:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հավայան կղզիները կվերացնեն կարանտինը ճանապարհորդների համար
Նոր կանոնն ուժի մեջ կմտնի հոկտեմբերի 15-ից․․․
Գերմանիայում կորոնավիրուսի պատվաստանյութի առաջին գրանցումն ակնկալում են 2020թ․ վերջին - 2021թ․ սկզբին
Նա հիշեցրել է, որ այժմ Գերմանիայում պատվաստանյութերի մշակման ինը նախագիծ գտնվում է կլինիկական փորձարկումների երրորդ փուլում․․․
Հնդկաստանի խորհրդարանի նստաշրջանը կարող է ընդհատվել կորոնավիրուսով 30 խորհրդարանականի վարակվելու պատճառով
Բացի այդ, կառավարությունը ամենօրյա թեսթավորումներ է մտցրել խորհրդարանում աշխատող լրագրողների համար․․․
Ասում են՝ չգիտենք՝ մեր հարազատին ենք հուղարկավորել, թե ոչ․ ինչից են բողոքում COVID-19-ից մահացածների հարազատները
Մի քաղաքացու մահվանից 7-8 օր հետո պարետատնից զանգել են մահացածի տուն, ասել, որ մեկուսանա, այնինչ մի շաբաթ…
Գերմանիան կմեղմացնի անվճարունակության կանոնները՝ համավարակի ընթացքում սնանկության ալիքից խուսափելու համար
Ձգտելով խուսափել զանգվածային սնանկացումներից եւ կրճատումներից՝ կառավարությունը, Գերմանիայի կանցլեր Անգելա Մերկելի գլխավորությամբ, նախաձեռնել է մեղմացման եւ խթանման միջոցառումների շարք․․․
Իմ թոռները վարակվել են կորոնավիրուսով. Գագիկ Ծառուկյան
Երեխաները դպրոց մասկայով ո՞նց կարան գնան…