News
Լրահոս
News
Հինգշաբթի
Դեկտեմբեր 09
Տեսնել լրահոսը

Վարչական դատարանը բավարարել է ԱԺ նախկին պատգամավոր Արկադի Համբարձումյանին («Դերժավայի Արկադի») պատկանող «Սլավմեդ» բժշկական կենտրոնի հայցն ընդդեմ Առողջապահության նախարարության, որով հայցադիմողը պահանջում էր անվավեր ճանաչել նախարարի՝ 2021թ.–ի մայիսի 4–ի հրամանը, որով կասեցվել էր ԲԿ–ին տրված բժշկական օգնության եւ սպասարկման լիցենզիաների գործողությունը՝ մինչեւ խախտման պատճառների վերացումը: Այս մասին NEWS.am-ը տեղեկանում է Դատական տեղեկատվական համակարգից։

Առողջապահության նախարարությունը դեռ ապրիլի ապրիլի 23-ին էր Առողջապահության ոլորտում լիցենզավորման հանձնաժողովում նիստ հրավիրել ՝ Ընկերությանը տրված բժշկական օգնության եւ սպասարկման թվով 6 լիցենզիաների գործողության կասեցման կամ նախազգուշացում տալու վերաբերյալ հարցի քննարկման նպատակով:

Առողջապահության նախարարը հիմք ընդունելով հանձնաժողովի եզրակացությունը եւ հաշվի առնելով ՀՀ առողջապահական եւ աշխատանքի տեսչական մարմնի  գրությունն այն մասին, որ ընկերության կողմից բժշկական օգնության եւ սպասարկման տեսակներն իբր իրականացվում են վիճահարույց լիցենզիաներում նշված հասցեներից դուրս, 04.05.2021 թվականի թիվ 1607-Ա հրամանով կասեցրել է ԲԿ–ին  տրված բժշկական օգնության եւ սպասարկման լիցենզիաների գործողությունը՝ մինչեւ խախտման պատճառների վերացումը:

«Սլավմեդ» բժշկական կենտրոնը հայցադիմումի մեջ նշել է, որ նախարարության կողմից վիճարկվող ակտում կամ Տեսչական մարմնի կողմից իրականացված վարչական վարույթի շրջանակներում ապացույցներ ձեռք չեն բերվել եւ որեւէ կերպ չի հիմնավորվել այն հանգամանքը, որ Ընկերությունն իր գործունեությունն իրականացրել է բժշկական օգնության եւ սպասարկման վիճահարույց լիցենզիաներում նշված հասցեներից դուրս:

Ըստ ԲԿ–ի հայցադիմումի՝ Առողջապահության նախարարությունը չի իրականացրել պատշաճ վարչարարություն, այն է՝ զրկել է Ընկերությանը դիրքորոշում ներկայացնելու կամ վարույթի ընթացքում լսված լինելու իրավունքից:

Առողջապահության նախարարությունից NEWS.am-ին հայտնեցին, որ դատարանի որոշումը բողոքարկվել է Վերաքննիչ վարչական դատարանում։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գողացված գառները վերադարձվեցին տիրոջը. Էջմիածնի ոստիկանների բացահայտումը
Ստացված տեղեկություններն իրացնելով՝ քրեական հետախույզները ժամը 3-ի սահմաններում նշված գյուղում հայտնաբերեցին 31-ամյա տղամարդու «Նիվան», մեքենայում՝ 6 գառ...
BMW-ով անասուն էր գողանում. ՃՈ ծառայողները բռնել են
Նախապատրաստված նյութերն ու գողոնը, ըստ ենթակայության, ներկայացվել են ոստիկանության Նոյեմբերյանի բաժին...
Ֆրանսիայում ստուգում են Խաշոգջիի սպանությանն առնչություն ունենալու կասկածանքով ձերբակալված տղամարդու ինքնությունը
Հալեդ Ալոթայիբի անունով տղամարդը մեկն է այն 26 մարդկանցից, ովքեր հեռակա կարգով դատվում են Թուրքիայում․․․
Կնոջ պարանոցի ոսկյա շղթան հափշտակած անձը եղել է «Օպել»-վ, որով տաքսի ծառայություն է մատուցում
Նրան հայտնաբերելու միջոցառումներ սկսվեցին։ Որոնումներին զուգահեռ...
Սեյրան Օհանյանի գույքի վրա կալանք դնելը կապված է նրա քաղաքական գործունեության հետ. փաստաբան
Գտնում եմ, որ անհիմն…
Հիվանդանոցի բակում մահացած հայտնաբերված տղամարդը հետախուզման մեջ էր
Ոստիկանության Մասիսի և Արտաշատի բաժինների ծառայողների համատեղ...
Ամենաշատ