Անկարան եւ Բաքուն չեն կարող անտեսել Հայաստանի հարցում Մոսկվայի եւ Թեհրանի դիրքորոշումը։ Այս մասին NEWS.am-ի թղթակցի հետ զրույցում ասաց ռուսաստանցի փորձագետ, իրանագետ Կարինե Գեւորգյանը։
Նա հիշեցրեց իրանական կողմի դիրքորոշումը, որը դեմ է միջանցքի ստեղծմանը (այսպես կոչված Զանգեզուրի միջանցք- խմբ.)։
Ալիեւին ձեռնտու է խոսել այսպես կոչված Զանգեզուրի միջանցքի մասին առաջին հերթին ներքին լսարանի, մասամբ նաեւ թուրք հանդիսատեսի համար։
«Այո, նա փորձում է հասնել դրան, բայց երկու ուժեղ եւ հզոր խաղացողներ տարածաշրջանում` ի դեմս Մոսկվայի եւ Թեհրանի, հակադրվում են:
Թուրքիան եւ Ադրբեջանը չեն կարող անտեսել նրանց դիրքորոշումները։
Այս ամենը չի նշանակում, որ Ադրբեջանի կողմից գնդակոծությունն անմիջապես կդադարի»,-նշեց փորձագետը։
