Բանակցային սեղանի շուրջ ես չեմ լսել, որ Ադրբեջանը հրաժարվում է խոսել Ղարաբաղի հայերի իրավունքների և անվտանգության մասին: Այս մասին, այսօր՝ հուլիսի 25-ին, մամուլի ասուլիսի ժամանակ նշեց ՀՀ վարչապետ Նիկոլ Փաշինյանը:
«Մյուս կողմից Ադրբեջանի իշխանության ներկայացուցիչների ելույթներից չի երևում նման պատրաստակամություն: Մյուս կողմից ինձ համար հասականալի չեն դիրքորոշումները, որոնք հնչում են Լեռնային Ղարաբաղից, որոնք բացառում են այդ թեմայով քննարկումները, բանակցությունները Ադրբեջանի հետ»,-ասաց նա:
Փաշինյանը հիշեցրեց, որ Հայաստանը և Ադրբեջանը պայմանավորվել են փոխադարձաբար ճանաչել միմյանց տարածքային ամբողջականություն։ «Իհարկե ԼՂ ժողովրդի իրավունքների և անվտանգության հետ կապված խնդիր կա, և այդ խնդիրը պետք է հասցեագրվի։ Բայց կա նաև մեծ անվստահություն` Հայաստանի կողմից Ադրբեջանի և Ադրբեջանի կողմից Հայաստանիի նկատմամբ»,-ասաց նա:
