NEWS.am -ի տեղեկություններով` ԲՀԿ ղեկավար Գագիկ Ծառուկյանը շտապ մեկնել է Բելառուս։ Մեր աղբյուրի փոխանցմամբ` ԲՀԿ ղեկավարի այցը պայմանավորված է Արցախում տեղի ունեցած վերջին իրադարձություններով և դրանից հետո Հայաստանում սպասվող հնարավոր քաղաքական զարգացումներով։
Նշենք, որ սեպտեմբերի 19-ին` Արցախի դեմ Ադրբեջանի սանձազերծած պատերազմական գործողությունների առաջին օրը Գագիկ Ծառուկյանը հայտարարություն էր տարածել` նշելով, որ Արցախյան հակամարտության լուծումը հնարավոր է միայն միջնորդների ներգրավմամբ խաղաղ բանակցությունների միջոցով և մեծապես Ռուսաստանի միջնորդությամբ` որպես տարածաշրջանում կայունության և խաղաղության երաշխավորի։ «Հնարավոր չէ կոտրել Արցախի ժողովրդին, և ես վստահ եմ, որ ռուս խաղաղապահները կկատարեն իրենց պատմական առաքելությունը»,- նշել էր Ծառուկյանը։
