ՆախընտրելիԻտալիայի վարչապետ Սիլվիո Բեռլուսկոնին նոյեմբերի 12-ին հրաժարական է տվել:
Վարչապետի պաշտոնը թողնելու որոշում Բեռլուսկոնին կայացրել էր այն բանից հետո, երբ նոյեմբերի 8-ին Իտալիայի խորհրդարանում զրկվեց ձայների մեծամասնությունից: Նրա հրաժարականին նախորդել էր խորհրդարանի կողմից երկրում տնտեսական իրավիճակի կայունացմանն ուղղված օրենքի ընդունումը, որը, մասնավորապես, նախատեսում է հակաճգնաժամային միջոցառումների համաձայնեցում ԵՄ ղեկավարության հետ:
«ՌԻԱ Նովոստին» հաղորդում է, որ այդ տեղեկությունը հարյուրավոր մարդիկ ուրախությամբ են ընդունել:Նոյմբերի 13-ին նախագահ Ջորջո Նապոլիտանոն կսկսի նոր կառավարության ձեւավորման շուրջ խորհրդակցությունները:
Ինչպես ավելի վաղ տեղեկացրել էր NEWS.am-ը, վարչապետի պաշտոնին երեք թեկնածու է հավակնում` ԵՄ հակամենաշնորհային հանձնաժողովի նախկին նախագահ Մարիո Մոնտին, կառավարող «Ազատության ժողովուրդ» կուսակցության քարտուղար Անջելինո Ալֆանոն եւ նախկին վարչապետ Լամբերտո Դինին, ով կառավարությունը ղեկավարել է 1995-1996 թթ: Ամենահավանական թեկնածու է համարվում Մարիո Մոնտին:
