նախընտրելի դարձնել
Բելառուսի նախագահ Ալեքսանդր Լուկաշենկոն աշխատանքային այցով մեկնել է Ռուսաստան, հաղորդում է Բելտա-ն՝ հղում անելով Լուկաշենկոյի մամուլի ծառայությանը։
Այցի շրջանակում Լուկաշենկոն բանակցություններ կվարի Ռուսաստանի նախագահ Վլադիմիր Պուտինի հետ։
Երկու պետությունների ղեկավարները կքննարկեն երկկողմ համագործակցության հիմնական ուղղությունները, տարածաշրջանային և միջազգային օրակարգի արդիական հարցերը, ինչպես նաև անվտանգության ապահովման թեմաները։
Բացի այդ, նախատեսված է Լուկաշենկոյի հանդիպումը Ռուսաստանի կառավարության նախագահ Միխայիլ Միշուստինի հետ։
Կողմերը կքննարկեն բելառուս-ռուսական առևտրատնտեսական և ներդրումային համագործակցության զարգացումը, ինչպես նաև համատեղ կոոպերացիոն նախագծերի իրականացումը։
