նախընտրելի դարձնելԲրիտանացի հայտնի երգիչ Գորդոն Մեթյու Թոմաս Սամները, որն ունկնդիրներին առավել հայտնի է Սթինգ անունով, շրջագայության է մեկնել Մոսկվա: Նա արդեն հասցրել է զբոսնել Տվերի բուլվարում, այցելել սթրիփթտիզ ակումբ եւ ռեստորան, ինչպես նաեւ նույն այդ ժամանակ Մոսկվա այցելած` յոգայի ջիվամուկտի ուղղության հիմնադիր եւ իր մտերիմ ընկեր Դավիթ Լայֆին:
«Սա ախր ինքը Սթինգն է». հազվադեպ անցորդները գիշերվա ժամը երկուսնանցկես արձանանում էին Տվերի բուլվարում: Նրանցից առավել արագաշարժները հանում էին հեռոխոսը, լուսանկարում երգչին, գրում է «Կոմսոմոլսկայա պրավդան»:
Սթինգը Մոսկվա է մեկնել հուլիսի 23-ին` երկուշաբթի օրը: Կնոջը թողնելով հյուրանոցում` նա այցելել է սթրիփթիզ ակումբ լիցքաթափվելու: Այնտեղ մնալով մինչեւ գիշերվա 3-ը եւ այդկերպ նշելով Ռուսաստանի մայրաքաղաք այցը` 61-ամյա երաժիշտը նորից դարձել է «օրինակելի ամուսին»:
Առավոտյան երգիչն ուղեւորվել է յոգայի պարապմունքի, իսկ այնուհետեւ կնոջը ցույց է տվել Արբատը եւ Կարմիր հրապարակը:
Յոգայի սրահում հանրահայտ երգչի հայտնվելն անսպասելի է եղել բոլորի համար: Քսենիա Սոբչակը հուլիսի 25-ին իր Twitter-ում գրել է. «Ես չգիտեի, որ Սթինգն ու կինը Մոսկվայում են: Կարծում էի, որ ինձ թվացել է, սակայն դա նա էր, եւ նրա ոտքը ժամանակ առ ժամանակ իմ գորգիկին էր հայտնվում»:
Հյուրանոցի մոտ հանդիպմանն սպասող երկրպագուները ազգային հուշանվեր են նվիրել` մատրյոշկա: Նվերն այնքան է դուր եկել Սթինգին, որ մինչ երեկո չի բաժանվել նրանից եւ նույնիսկ մերժել է նվերը հյուրանոցի համար հասցնելու թիկնապահների առաջարկը, գրում է LifeNews-ը:
Երեկոյան զբոսանքից վերադառնալով` երաժիշտն իր կնոջը տարել է Մոսկվայի լավագույն ռեստորաններից մեկը:
Արդեն այսօր Սթինգը համերգով հանդես կգա «Օլիմպիյսկի» մարզահամալիրում` Back To Bass-ի շրջագայության շրջանակում, որը նվիրված է նրա` մենակատարի կարիերայի 25-ամյակին:
