նախընտրելի դարձնելՀանրապետական կուսակցությունից ԱՄՆ-ի նախագահի թեկնածու Միթ Ռոմնին Երուսաղեմն անվանել է Իսրայելի մայրաքաղաք` այդպիսով աջակցելով իսրայելական կողմի դիրքորոշմանը:
«Շատ հուզիչ է լինել Երուսաղեմում` Իսրայելի մայրաքաղաքում», - հայտարարել է Ռոմնին`խոսելով արտաքին քաղաքականությանը վերաբերող մի շարք հարցերի շուրջ:
Ինչպես հստակեցնում է Agence France-Presse-ը, աշխարհի պետությունների մեծ մասը պաշտոնապես Երուսաղեմը չի ճանաչում որպես Իսրայելի մայրաքաղաք` քաղաքի արեւելյան հատվածի համար Պաղեստինի հետ առկա վեճի պատճառով:
Իսրայելն Արեւելյան Երուսաղեմը գրավել էր1967 թվականի Վեցօրյա պատերազմի ժամանակ եւ ավելի ուշ կցել էր իրեն: Իսրայելը Երուսաղեմը համարում է պետության «միասնական եւ անբաժանելի» մայրաքաղաք, իսկ միեւնույն ժամանակ պաղեստինցիները պահանջում են վերադարձնել այն, գրում է «lenta.ru»--ն»:
Իսրայելի իշխանության հիմնական մարմինները, այդ թվում նաեւ Քնեսեթը, գտնվում են Երուսաղեմում, սակայն բոլոր արտասահմանյան դեսպանատները տեղակայված են Թել Ավիվում, իսկ Երուսաղեմում ներկայացված են հյուպատոսություններով:
Ավելի վաղ Ռոմնին մի շարք հայտարարություններ էր արել մերձարեւելյան հարցերի կապակցությամբ: Նա խոստացել էր ընտրվելու դեպքում աջակցել Իսրայելին, եթե վերջինս որոշի գործողություն սկսել Իրանի դեմ:
